UBABE WA KANUNI

KANUNI

 Unapoona mbegu inawekwa na kuchipua katika ardhi hapo wewe unajifunza nini? Na unapoona yai la kuku na baadae kutoa kifaranga na hapo unajifunza nini? Na pindi unapoona mchana unakuwa usiku je! Hapo unajifunza nini? Na pia unapoona bahari ikipungua maji na baadae yakiongezeka wewe hapo unaelewa nini?..............sina shaka kichwani mwako kuna majibu mengi ambayo hayana ushawishi wa ulimi katika kutamkwa kwakua hakuna uthibitisho wa masikio toka nje!

Kiufupi hapo nazungumzia KANUNI AU UTARATIBU AMBAO MUNGU AMEUWEKA DUNIANI na kamwe hakuna binadamu anaweza kutengua pasipo idhini yake yani kufanya tofauti na alivyoamuru yeye.

Unaweza ukachezea vitu vyote na bado ukawa salama au ukaweza kurekebisha lakini kamwe sio KANUNI na unaweza kuwadanganya watu maelfu lakini kamwe uwezi kudanganya kanuni au kufanya tofauti na kanuni na ukapata jibu lililo sahihi…………. hata hesabu ni muhimu uielewe KANUNI na kuifuata ndipo upate jibu lililo sahihi tofauti na hapo kosa hapo ni haki yako.

Katika dunia kila kitu kina kanuni yake ili uweze kukipata na kamwe uwezi kuchanganya kanuni na bado ukategemea kupata kile kilichosawa na kanuni hiyo, na kubaliana kabisa kwamba kuna kanuni za Mbingu na kuna kanuni za dunia japo kwa kiasi kikubwa yeye aliyeweka kanuni za Mbingu ndie aliye wapa wanadamu neema ya kuweka kanuni za duniani.

Kama ilivyo darasani watu wengi sana wanakosa hususa somo la hesabu kwasababu hawajui kanuni ndivyo watu wengi wanaangukia sehemu mbaya kutokana na sababu kuu mbili moja hawaijui kanuni au hawaifuati kanuni na pengine  hawajaielewa kanuni. Pia Kanuni inaweza kuwa ni moja lakini jibu likachelewa kupatika kutokana na wepesi wa ufahamu wa mtu.

Niseme tu unaweza kuwashawishi maelfu wawe upande wako lakini kamwe uwezi kuishawishi kanuni ikafuata upande wako tofauti na asili yake, ni ukweli utafanya lakini utakesha pasipo matunda yake au sawa na ile nguvu uliyoitumia.

Unaweza ukafanya jambo watu wote wakakufichia hilo jambo lisijulikane na mtu mwingine zaidi ya wale waliokuona au walio shiriki lakini kamwe hauwezi kuificha kanuni isifanye kazi yake mathalani unaweza ukafanya mapenzi na mtu na kwa bahati ukashika mimba(msichana) lakini utaki watu wajue kuwa ulishiriki ilo tendo na hivyo ukatumia kila njia ili isijulikane lakini mwisho kanuni ikichukua na nafasi na mtoto akaanza kuumbika ndani yako bila shaka kwa mtu mwenye akili nzuri ambaye hata waza mawazo ya kutoa mimba basi itajulikana tu kutokana na muonekano mpya wa mwili wako.

Niseme kama kuna mtu ambaye hana huruma kabisa basi huyo anaitwa KANUNI kwani yeye ajui huyu ni adui wala rafiki bali yeye ufanya sawa inavyotakiwa pasipo kuhofia kitu chochote na ukitaka kuabika nenda tofauti na kanuni alafu ujifiche katika nafasi uliyo nayo uone jinsi kanuni itakavyo kukuabisha  na kukuweka hadharani kila kitu pasipo kujali nani anakuheshimu au hakuheshimu.

Unapomwangalia mtumishi wa Mungu Daudi alipotembea na mke wa mtu alijaribu kuficha kila hali lakini kanuni haikumuacha ikamfichua na kumgharimu kwa kile alichokifanya pasipo kujali yeye alikuwa ni chaguo la Mungu au la wanadamu.

Ukitaka kuwa mtu unayeenda sawa na hali stahiki basi haunabudi kuipenda KANUNI na kuifuata katika ufahamu ulio sahihi, ukifanya kanuni kuwa ni rafiki yako bila shaka wengi watakufuata kwakua kanuni ikikuweka mahali fulani kamwe hakuna mtu atakaye kushusha.

HAKUNA ALIYE MBABE MBELE YA KANUNI

Imeandaliwa na:

Cothey Nelson……………………………………………………0764 018535