USIOGOPE!

USIOGOPE

Habari msomaji!

Karibu katika neno la leo………..Nakubaliana kabisa kuwa neno hili USIOGOPE sio geni machoni pako na uwa sio kila wakati linakuwa la maana sana kwako kama hakuna jambo LINALOKUOGOPESHA! Na zaidi sana neno hili usiogope nguvu yake utegemea sana nani amekwambia, natambua kwa uhalisi moyo unalipokea neno pindi mtu anaposema USIOGOPE bila shaka moyo wako utatoa tafsiri ya mtu huyo( kama anamaanisha kile anachokizungumza) kwako na ndipo utakapoitikia sawa na tafsiri iliyotolewa na moyo japo wote wanaweza wasijue lakini wewe katika uhalisi wa moyo wako utatambua, Mungu atusaidie.

Ukiachana na hali hiyo, najua neno hili USIOGOPE linanguvu na la maana sana kwa mwihitaji wa neno hili kama maji kwa mwenye kiu, sikatai wako watu wamepitia shida nyingi hivyo wamesikia sana hili neno USIOGOPE maana kila mtu anayeenda kumpa pole anamwambia USIOGOPE MUNGU YU NAWE! Lakini katika yote bado neno USIOGPE lina hitajika sana leo kesho naam siku zote maadam tunaishi basi tunalihitaji hili neno………na pindi utakaposikia moyo wako unaweza kuinuka na kuona nami nina watu wanaonipenda! Asante Mungu kwa hili.

Neno USIOGOPE limetafsiriwa na kupewa  maana nyingi zilizotolewa na watu mbalimbali mashuhuri na wasio mashuhuri na zenye maana nzuri na zenye kuvutia napengine zinasadifu na ukweli wa hilo neno…….. maana yangu katika neno hili USIOGOPE ni hali ya moyo kuhofia kupoteza furaha yake.

Nakubaliana kwa asilimia zote MTU akikwambia USIOGOPE na MUNGU akisema USIOGOPE haya ni maneno sawa ila kutokana na chimbuko tofauti lilikotoka basi yamebeba maana tofauti na upokeaji wake uko tofauti na mwendo wake hapo utakuwa ni tofauti, kwani binadamu hata awe na mali kiasi gani na hata akikuhurumia kiasi gani bado ubinafsi utatawala tu ila Mungu anapenda vile anavyoishi basi nawe uishi hivyo ikiwezekana YEYE AISHI KUPITIA WEWE.

Unaweza kujiuuliza Mungu atasema lini kuwa mimi NISIOGOPE kwa maana katika maisha naona watu na vitu vinavyoizunguka DUNIA nitajuaje Mungu sasa ananiambia NISIOGOPE swali hili linaweza kuulizwa na mtu anayeenda kanisani au msikitini na hata Yule ambaye sehemu zote haendi lakini sio mtu ambaye anaye MJUA MUNGU katika Roho Mtakatifu.

Kama msomaji mzuri wa biblia unaweza kugundua neno UOGOPE alina mashiko katika kitabu hiki zaidi ya neno USIOGOPE  lenye maana kubwa ukilitazama kwa jicho la rohoni lililobeba tafsiri ya Mungu uwa hakuna shaka utatambua KUTOOGOPA ndio maisha ya MUNGU kwakua kupitia yeye vyote vilifanyika na pasipo yeye akikufanyika chochote kilichofanyika!

Kiufupi tu maisha ya KUTOOGOPA ndio maisha tunayopaswa kuishi kwani kiasi kikubwa upelekea kufanya kitu kwa ubora zaidi kuliko mtu anayefanya jambo akiwa ana hofu uhakika unakuwa mdogo wa kufanya kitu kwa ufasaha zaidi, siwezi kukudanganya kuwa utakuwa na hali ya kutoogopa kwa namna ya kawaida maadamu umezaliwa tu! Sio kweli bali NENO LA MUNGU litakupa ujasiri usiokuwa wa baadhi matukio au watu fulani kwani ndio ujasiri mwingi uliopo dunia wa namna fulani lakini sio wa wakati wote kwakua msingi wake haujajengwa katika ujasiri wa kila kitu bali wa baadhi ya vitu tu.

Niseme tu hata kama utakuwa mtaratibu vipi na mwema sana ukisha iruhusu HOFU ichukue nafasi hapo kutenda kinyume na ulivyopanga ni rahisi kwani unaweza kukusudia jambo jema lakini kutokana na HOFU ukajikuta ufanyi au ukafanya tofauti,

Maisha yanayoambata na hofu yanapelekea kuwa mtumwa kwani unakuwa kifungoni ambacho umejiweka wewe mwenyewe kutokana na hali ya ndani inayokusukuma,……….maisha haya ya uwoga uweza kusababishwa na mtu unayetembea naye na kumpa nafasi katika maisha yako hivyo maisha yake yatakuathiri kwa kiasi kikubwa.

Ukitaka kuishi maisha ambayo sio yako basi ishi maisha yanayobebwa na UWOGA utaishi kila mtindo wa maisha haijarishi unataka au hautaki, bali ukitaka kuishi maisha ambayo Mungu amekukusudia ishi maisha yanayo ongozwa na NENO LA MUNGU! Upate ujasiri na akili njema sio kwa kukulupuka.

Maisha ya ujasiri ni maisha ya kumwamini Mungu na kumpenda  kunakopelekea KUJIAMINI na sio maisha ya utemi na ubabe katika kujisahau kuwa wote ni kazi ya Mungu.

Imeandaliwa na:

Cothey Nelson…………………………………………0764 018535

TUMIA MUDA WAKO KUJIONA WEWE NA SIO MWINGINE!