TULIZO LA MOYO

TULIZO LA MOYO

  Kuna vitu vingi ukikosa unaweza ukavumilia na maisha ya kaendelea lakini kamwe sio tulizo la Moyo, nimeona watu wengi wakifikia maamuzi mbalimbali kwasababu la kukosa tulizo la moyo!!!

Ni kwli mtu unaweza ukakosa fedha,watoto,elimu na mengine mengi lakini bado maisha ya kaendelea japo katika hali ya kuvumilia na baadae ukazoea, lakini kamwe sio tulizo la moyo kwani katika hali hii moyo unakuwa haujielewi maana hauna furaha, ujui ufanye nini au usifanye nini? Unaweza kukaa ukaona bora usimamame na hata ukisimama bado utaona haitoshi unaweza ukaona bora ukimbie na hata ukikimbia bado utaona haitoshi utaona bora utambae na utamaliza mambo yote lakini kamwe hauta weza kupata jibu la swali la moyo wako!

Najua hali hii sio ya wote kwakua wako watu wanaweza wakaishi maisha ambayo hayaleti burudiko au tulizo katika moyo  lakini bado akaona wacha maisha yaendelee maana nitavumilia na baadae ndio yatakuwa maisha yangu.

Niseme mtu anayeishi katika hali hii ukweli anaishi maisha ya utumwa na ya ukiwa japo anaweza kuwa na mali nyingi familia bora iliyoelimika na maendeleo .

Kitu pekee kinachoweza kuleta tulizo la moyo ni SEHEMU SAHIHI

Nje ya hapo uwezi kuwa na tulizo la moyo, kwakua unaweza kuwa sehemu nzuri inayopendeza macho na inayofurahisha na kugusa hisia zako lakini isiwe sehemu sahihi!

Kwa kawaida ukuaji wa binadamu ili uweze kwenda katika ubora wake kila jambo lina wakati wake pindi mtoto anapozaliwa sehemu sahihi kwake ni mikononi mwa mama yake japo anaweza kulelewa katika taasisi na hata watu wengine tofauti na ndugu zake na kila hatua atayopiga ina sehemu yake sahihi mathalani katika mfumo wa elimu kuna hatua anayotakiwa kuwa  shule ya awali na baadae kuingia chuo kikuu.

Ni napozungumzia sehemu sahihi na zungumzia sehemu ambayo itakayokupa mwanga katika maisha yako uliojaa ushindi na ubora na ushujaa na mwendo wenye kishindo ulio jaa mamlaka. Na ninapozungumzia sehemu hapa na zungumzia ni zaidi ya nyumba nzuri iliyo jaa malumalu na kumetameta au aina ya kanisa ambayo iliyojaa nguvu ya Mungu au yenye taratibu zenye kuheshimika na kukubalika katika nchi.

Sina tatizo na nyumba nzuri, kanisa lako nzuri bali ninashida na tulizo la moyo wako kweli lipo? niseme kusema kunatofauti kati ya matumaini ya akili na tulizo la moyo na niseme tu kwamba hakuna mtu ataleta tulizo la moyo wako zaidi ya Mungu mwenyewe katika moyo wako kwani katika yeye ndio linapatika tulizo la kudumu.

Unaweza kuwa sehemu yoyote hata iwe bora kiasi gani lakini ukweli kwamba kama tulizo alipo hata kama ikiwaje na kamwe tulizo la moyo aliwekewi katika kutamkiwa bali linachipuka ndani yako!

Unaweza kuwa sehemu sahihi katika mazingira lakini usipo itambua nafasi ya Mungu katika maisha yako iliyojaa kwa ukamilifu utaweza kufanya jambo sahihi.

N.B; tulizo alitegemei namna unavyokaa na mtu wa Mungu vizuri tu bali namna unavyokaa na Mungu vizuri kwani yeye ndio mtoaji tulizo la Moyo kwako na mtumishi wake,

Kwakua hivi sasa watu wamekuwa makini sana namna ya kukaa na mtu wa Mungu kuliko namna ya kukaa na Mungu na watu wa namna hii wamekuwa wakiangukia katika maumivu makali kwakua walimuamini Mtumishi wa Mungu kama Mungu mwenyewe!

Sisemi usiwasikilize watumishi ambao Mungu amewaweka uwaheshimu sana kwakua Mungu amewaweka kwa kusudi lake na Mungu anawaheshimu sana maana amesema mwenyewe…..mtu akinitumikia nami nitamuheshimu,

Kubwa sana nataka kusema ni muhimu kutambua nafasi ya mtumishi wa Mungu na Mungu mwenyewe ili ufanye jambo katika ustawi mzuri wa maisha yako.

Sehemu sahihi ya kukaa wakati mwingi kwa macho haya ya nyama inaweza isivutie bali sehemu nzuri na kuvutia lakini niseme sehemu sahihi ni mahali wewe ulipo na Mungu

Nasio mahali ambapo watu wengi wanakimbilia na kupasifia bali ni mahali ambapo Mungu anakuwa tulizo la moyo wako na sio mazingira au maneno ya mtu yenye ushawishi au yenye kutisha , kwakua hakuna mwenye hatima ya maisha yako zaidi ya Mungu mwenyewe yeye mwenye kujua kabla ujatoka duniani na baada ya kutoka yeye anaijua hatima yako na kujua namna ya kukufikisha.

Imeandaliwa na;

Cothey Nelson…………………………………………………………0764 018535

SEHEMU SAHIHI KATIKA HATIMA NJEMA!!