NENO LA KINYWA

NENO LA KINYWA

Wako watu katika dunia ya leo wamekuwa machizi, wamekosa mwelekeo,wanashindwa kuzaa,maisha hayasongi, hawajielewi maisha yanavyokwenda zaidi ya kuona miaka inakatika tu! Lakini yote haya yanaweza kusababishwa na NENO LA KINYWA.

Na ni ukweli usiopingika kuwa wako watu wanafika mbali kutokana na neno linalotoka kinywani, wanapokea uponyaji,wananawiri  na kushamiri kwasababu ya NENO LA KINYWA, na ukumbuke kuwa neno  lenye misingi ya kweli uwa linadumu siku zote ata kama mtamkaji wa hilo neno amesha fariki au hayupo tena lakini lile neno linaweza kuishi na kumshikilia au kuwashikilia. Kwa kusema hivyo unaweza ukamkimbia mtu na kuama sehemu nyingine lakini kamwe hauwezi kulikimbia neno linatoka kinywani mwake.

Na ukumbuke kuwa neno alikuachi kwasababu umeteseka sana au umelia sana bali linaondoka au kukuacha kutokana na kubadilisha mfumo au mtu kuja kulitengua hilo neno alilolitamka. Naweza kusema moja ya laana mbaya ni laana zinatokana na neno lenye uhalisi(sababu za kweli) , mathalanii mtu anaweza kusema kwamba kama hauta mweshimu mzazi wako basi hautatoka katika maisha haya mabovu unayoishi sasa na kweli iwe ujamuheshimu mzazi wako basi laaana hiyo itakuwa maisha yako.

Ujenzi wa maisha ya rohoni katika upande wa GIZA na NURU uwa yanajengwa au kuumbwa kupitia neno la kinywa cha mtu husika au kunenewa na mtu ambaye moyo wake umemlizia au haujamlizia, na mwisho hayo maneno tutayaona ya kidhihirika katika ulimwengu wa mwili.

Ni kweli neno la kinywa chako linakuwa na nguvu sawasawa na hadhina iliyoko ndani yako lakini sio tofauti na kile kilichomo ndani yako, japo kuna vitu viwili kuna kuwa na hadhina katika moyo wako na kuliamini lile neno unalolitumia kuwa lina nguvu na linaweza kufanya kazi.

Kinywa chako lazima kiwe ni kisima kinachotoa maji matamu ambayo mtu akiyanywa atataka kunywa hayo maji na pindi atakapo kunywa hayo maji basi yatajenga afya katika maisha yake na sio kumdhuru katika afya yake, japo watu wengi tumekuwa tukishindwa kujitambua kwamba kwa uhakika sisi ni watu tulibeba aina gani ya maji kutokana na mchanganyo wa maji matamu na machungu.

Uwezi kuwa katikati alafu ukawa na nguvu kubwa lakini pindi utakapo kuwa katika upande mmoja unaoeleweka ndio nguvu itakuwa ya uhakika maana Mungu katika neno lake anasema ukiwa vugu vugu nitakutapika kwakua kila upande unagharama zake na una mambo yake hivyo pasipo kujua kuwa unahitaji kuwa na nguvu moja ambayo nitawezesha maisha yako.

Ni ukweli kwamba ukombozi wa kinywa usihanishwa kwa karibu na ukombozi wa mawazo na fikra kwa ujumla wake kwakua tuna jua katika fikra kunajenga au kunatoa tafsiri ya mambo na hatimae ndio kunazaliwa na tamko(maneno ya kinywa).

Siku zote siraha ambayo ni hatari ufichwa na kuwa katika uangalifu wa hali ya juu sana kwasababu inaaminika kuwa ni siraha ya ushindi na inatumika katika mazingira muafaka na sio kila wakati na kila mahali, hivyo lazima utambue kuwa kinywa ni siraha ya ushindi na hatari sana basi inapaswa kuitunza kujilinda kuhakikisha inatumika katika mazingira muafaka ilikuleta matokeo sahihi.

Nikweli mtua anaweza akaongea mengi lakini yako maneno yalibeba athari katika maisha ya mtu husika na katika hayo unaweza kuona ni ngumu kutoka hapo ulipo, hivyousikubali kuishi maisha ambayo kila mtu ataweza kuona anasababu ya kunenea neno baya katika maisha yako.

Kila neno linalotamkwa katika maisha yako linakuwa na nguvu pindi tu litakapopata nafasi!!!

Imeandaliwa na;

Cothey Nelson…………………………………………..0764 018535