NYUFA

NYUFA

 Nyufa  ni dalili ya muachano wa kitu kilichoshikamana au hali ya utofauti wa awali na sasa iliyojitokeza katika kitu fulani wenye mwelekeo katika  uharibifu mkubwa!!!

Usitegemee kudumu na kitu kama hakuna marekebisho au kukikagua mara kwa mara kuhakikisha ubora wake kuwa haupungui na kutibu kasoro zake ili kukifanya kuwa imara na bora siku zote, na hii ndio ishara ya kupenda kifaa chako au mtu kutathmini mwendo wenu na kurekebisha tofauti zenu,

Nyufa ni dalili mbaya inayojitokeza wakati wa huzuni au furaha na inawezekana kutokea kwa mtu usiyemtegemea au uliyemtegemea kwa huyu wakati wowote jambo lolote halinaweza kutokea.

Wakati mwingine na fananisha nyufa kama ugonjwa ambao unaweza kusababisha uharibifu kwa mtu kama tu usipochukua tahadhari ya mapema katika matibabu yake, kwani kadili unavyoacha ugonjwa katika mwili ndivyo unaweza kusababisha maumivu au uaribifu mkubwa katika mwili.

Kama unataka kuwa makini au uimara wa kitu basi kuwa makini na kila nyufa zinazotokea pasipo kusubiria hali kuwa mbaya zaidi na kutumia gharama kubwa zaidi katika kutatua hilo tatizo au jambo hilo, hivyo niseme tu kama hutakuwa makini na mwanzo wa nyufa basi usishangai ukuta kuporomoka!

Ni kawaida tu kuwa uwezi kwenda mbali kama unatumia kifaa ambacho kinakasoro nyingi au upungufu mwingi na ndomana watu wanasema kifaa kisicho na ubora uitwa KIMEO. Niseme hata kama umeniwia kiasi gani kama kuna nyufa fahamu tu kwamba kufika huko ni vigumu sana!

Ni mpasuko ulioanza kwa namna ya kuweza kuzuilika lakini unaweza kuwa ni hatari zaidi usipo kuwa makini katika kufanya malekebisho mapema, kikawaida hakuna ukuta wowote unaweza kubomoka bila kuanza kutoa ufa kwanza labda katika sababu zingine kama vile matetemeko ya ardhi, mafuriko, kubomorewa na sababu zingine.

Ni ukweli usiopingika kuwa nyufa zinapotokea zinaonekana lakini kutokana na sababu za kuaghirisha na kupuuzia basi katika mazingira hayo uweza kupelekea ufa kuongezeka na kupelekea gharama kuongezeka katika ukarabati na wakati mwingine maafa yakatokea.

Kama kweli unataka ukae katika nyumba imara na kwa muda mrefu basi hakikisha unakuwa makini na mambo madogo madogo au kasoro ndogondogo ili uweze kuendelea kudumu katika jambo hilo au katika nyumba hiyo…………niseme mmomonyoko wa vitu vingi unatokana na kutokuwa makini na kasoro ndogondogo au kupuuzia.

Katika kudumisha mausiano yoyote lazima uwe makini na kila dalili mbaya  inayoweza kujitokeza ili uweze kurekebisha kabla hayajakuwa kubwa zaidi na ukashindwa kumudu………nimeshuhudia mmomonyoko wa vitu vingi unatokana na kupuuziana  na hatimae ukatokea  na mmomonyoko mkubwa katika maisha yao.

Usipokuwa makini katika nyufa ndogo basi hauwezi kuwa makini katika nyufa kubwa kwakua ulianza kutokua makini katika mwanzo unaoonekana kuwa unaweza kutibika na hatimae ukatokea katika hali iliyo ngumu zaidi, unapotaka kuwa katika mwendelezo uliona maana sana basi unahitajika sana kuwa makini katika kila utofauti na hilo jambo linahitaji kutatulika sio kulivumilia.

Siku zote unaweza ukaona ni jambo dogo kwako na usione kuwa kama ni kitu kikubwa  kwa mwenzako lakini usipokuwa makini basi lolote linaweza kutokea, nyufa sio kitu kibaya kwa anayetaka mmomonyoko na ni kitu kibaya kwa asiyetaka  mmomonyoko na hali hii isiwe ndani yako tu bali uchukulie hatua kuhakikisha kuwa ufa huo unapata suruhu ya kudumu.

Ni kweli kila jambo linakusudi lake!!! Lakini niseme tu wazi sio kila jambo linakuwa na mwanzo unaofanana linakuwa na hitimisho linalofanana, upo utofauti mkubwa lazima ujue unachofanya na unachofanyiwa kinabeba hitimisho gani! Kubwa katika maisha yako lazima ubebe dhamira iliyosafi isiyobeba kisasi bali iliyobeba dhamira njema na ustawi wako katika maisha yako.

Niseme nyufa sio kitu kizuri katika kundi, jumuhiya, ndoa na ushirika wowote kama unataka msiende mbele zaidi basi msichukulie hatua yoyote ya kusawazisha au kurekebisha kitakachotokea hapo ni kupoteza muda na kulimana badala ya kujengana………..niseme kuwa bora haondolewe yule anayesababisha nyufa zitokee kuliko kuendelea kukaa na hatimae kusababisha maumivu zaidi au uharibifu zaidi.

Kinachouma sana kwa watu wengi ni kuona nyufa zinazotokea kwa mtu uliyempenda na urifikiri atakuwa wa maana zaidi katika maisha lakini amekuwa sababu ya kwanza katika kusababisha mmomonyoko utakao sababisha maafa makubwa.

Mkikubali kuishi katika utofauti basi kitakachoendelea hapo ni kuishi katika kutokuwa halisi hama kwa lugha rahisi ni maisha ya unafiki ambayo mwisho wa siku kunakuwa hakuna ushirikiano wowote ( vita baridi).

Imeandaliwa na;

Cothey Nelson…………………………………………..0764 018535

HAKUNA KITU KIGUMU KAMA KUTUNZA MAUSIANO!!!