NAFASI YA SAUTI YA MUNGU

NAFASI  YA  SAUTI  YA  MUNGU  NDANI  YA  MAISHA  YAKO;

Kila utekelezaji wa sauti yoyote maishani mwako inabebwa na nafasi ya huyu mtu kwako unamuelewaje! 

Nafasi yake kwako! Kwakua kila neno linakuwa na uzito likitegemea limetoka katika kinywa cha nani mathalani neno la daktari aliwezi kuwa na uzito ulio sawa na neno la rafiki yako au adui yako,jirani hama mtumishi wa Mungu yeyote.

Uzito wa utekelezaji unategemea sana yeye ni nani kwako?

Umaana wa mtu utegemea namna unavyolitekeleza neno au sauti yake katika maisha yako hapo ndipo udhihirisho kuwa umemuelewa, unampenda na unamthamini tena katika utendaji ambao yeye amekusudia.

Ndani ya dunia tuliyonayo uwa tunasikia sauti mbalimbali zipo zilizo na matumaini mema katika maisha yetu na pia zipo zenye zinaleta shida katika moyo. Hakuna jambo linaweza kwenda pasipo mgongano wa sauti mbalimbali zenye kukuonyesha mwanga katika jambo ambalo unalopitia.

Kila sauti uwa inakuwa imebeba dhima fulani,lengo katika kutimiza kusudi lake,kutoelewa sauti kunapelekea kushindwa kupata kuelewa kile ulichotakiwa kukipata lakini pindi utakapoelewa basi hapo unakuwa na nafasi ya kupata yale yote unayotakiwa kuyapata.

I samweli 3:1-11

Wakati samweli anaandaliwa katika utumishi japo alikuwa anaishi katika nyumba ya Mungu lakini hakuitambua sauti ya Mungu na pindi alipoitikia sauti na kuiza kusikiliza ndipo alipotambua kuwa ni Mungu anazungumza nae.

Kila sauti unayoisikia inakuwa ina nguvu ya ushawishi katika utekelezaji wa jambo fulani na pindi utakapoipa nafasi basi yale makusudi yake ndipo yatakapotimia mathalani roho ya hofu utakapoikubali basi hapo ni wazi hofu itatawala katika maisha yako.

NAFASI YA SAUTI YA MUNGU NI UKOMBOZI WA MAISHA YAKO;

Kutoka 14:1-14

Japo kuna mchanganyo mkubwa ambao tunaona kwa Musa ulikuwa ukivuta huku na huku katika kushawishi kuchukua maamuzi kinyume na sauti ya Mungu. Hapo ndipo ishara kubwa ya kuonyesha nani ananguvu kwako.

Tunaona Musa anafanikiwa kuleta ukombozi juu ya maisha yake na israel kwa ujumla mara baada ya kuweza kuvuka bahari ya shamu kwa mkono wa bwana.

Siri kubwa hapa tunaona Musa aliipa nafasi kubwa sauti ya Mungu kuliko kishindo cha wamisri walipokuwa wanakuja, makelele ya israel kutaka kumlaumu Musa na kelele za bahari katika mawimbi yake, yote katika kumtisha Musa dhidi ya kuisikiliza sauti ya Mungu! Lakini bado Musa alitia bidii katika sauti ya Mungu.

Imeandaliwa na ;

                     Nelson, Cothey – 0764 018 535 or cotheyn@yahoo.com